መግለጺ እምነት ኒቅያ

ሰማይን ምድርን ዝርአን ዘይርአን ዝፈጠረ፡ ኩሉ ብዝኽእል ብሓደ እግዚኣብሔር ኣቦ ንኣምን። 

ዓለም ከይተፈጥረ ምስኡ ህልው ብዝኾነ፡ ብሓደ ወዱ ንኣቦ፡ ብጉይታና ብኢየሱስ ክርስቶስ ንኣምን። 

ንሱ ብርሃን ካብ ብርሃን፡ 

ሓቀኛ  ኣምላኽ ካብ ሓቀኛ ኣምላኽ፡

ዝተወልደ እምበር፡ ዘይተፈጥረ፡ 

ብመለኮቱ ምስ ኣቦ ማዕረ ዝኾነ፡ 

ብዘይ ብኣኡ ኣብ ሰማይ ኮነ ኣብ ምድሪ ሓደ ነገር እዃ ዝኾነ ዘየልቦ፡

ምእንታና ምእንቲ ድሕነት ሰብ ካብ ሰማይ ዝወረደ፡ 

ብናይ መንፈስ ቅዱስ ስራሕ፡ ካብ ቅድስቲ ድንግል ማርያም ስጋ ለቢሱ ሰብ ኮነ፡

ብዘመን ጲላጦስ ጴንጠናዊ ምእንታና ተሰቕለ፡ ተሳቐየ ሞተ፡ ተቐብረ፡

ኣብ ቅዱሳት መጻሕፍቲ ከም ዝተጻሕፈውን፡ ብሳልሳይ መዓልቲ ካብ ሞት ተንሰአ፡ 

ብኽብሪ ናብ ሰማይ ዓረገ፡ ኣብ የማን ኣብኡ ተቐመጠ፡ 

እንደገና ሕያዋንን ሙታንን ኪፈርድ ብኽብሪ ኪመጽእ እዩ፡ 

መንግስቱውን መወዳእታ የብሉን። 

ካብ ኣብን (ካብ ወልድን) ዚሰረጸ፡ ብመድሓኒ ጉይታ፡ ብመንፈስ ቅዱስ ንኣምን፡ 

ብኣፍ ነብያት ንዝተዛረበ፡ ንእኡውን ምስ ኣቦን ወልድን ንሰግደሉን ነመስግኖን።  

ኣብ ኩሉ ቦታ እትርከብ ናይ ሓዋርያት ጉባኤ ብዝኾነት፡ ብሓንቲ ቅድስቲ ቤተ ክርስቲያን ንኣምን። 

ንስሬት ሓጢኣት ብዝተሰርዐት ብሓንቲ ጥምቐት ንኣምን። 

ብትንሳኤ ሙታንን፡ ብዚመጽእ ናይ ዘለዓለም ሕይወት ተስፋ ንገብር፡፡ 

ኣሜን!!!